உலகக்கிண்ண கால்பந்து தொடரில் காலிறுதிக்கு தகுதி பெற்றுள்ள அணிகள் எது தெரியுமா?

ரஷ்யாவில் உலகக்கிண்ண கால்பந்தாட்ட போட்டி நடைபெற்று வருகிறது. 32 அணிகள் பங்கேற்ற இந்த தொடரில் தற்போது நாக் அவுட் சுற்றில் 16 அணிகள் மோதி விளையாடி வருகின்றன.8 போட்டிகளில் 4 போட்டிகள் முடிவு பெற்றுள்ளன. இன்றைய போட்டியில் பிரேசில்-மெக்சிகோ அணிகள் விளையாடி வருகின்றன.இந்நிலையில் நடந்து முடிந்துள்ள நாக் அவுட் சுற்றில் எந்தெந்த அணிகள் தகுதி பெற்றுள்ளன என்பதை பற்றி பார்ப்போம்.பிரான்ஸ் - அர்ஜெண்டினா அணிகள் மோதிய போட்டியில், பிரான்ஸ் 4-3 என்ற கோல் கணக்கில் வென்று காலிறுதிக்கு முன்னேறியுள்ளது.

ஸ்பெயின் - ரஷ்யா அணிகள் மோதிய போட்டியில், ரஷ்யா பெனால்டி ஷூட் அவுட் முறையில் 4-3 என்ற கோல் கணக்கில் வென்று காலிறுதிக்கு முன்னேறியுள்ளது.குரேஷியா - டென்மார்க் அணிகள் மோதிய போட்டியில், குரேஷியா பெனால்டி ஷூட் அவுட் முறையில் 3-2 என்ற கோல் கணக்கில் வென்று காலிறுதிக்கு முன்னேறியுள்ளது.காலிறுதி போட்டியில் பிரான்ஸ் - உருகுவே அணிகள் ஜூலை 6-ஆம் திகதியும்,ரஷ்யா - குரேஷியா அணியுடன் ஜூலை 7-ஆம் திகதியும் மோதவுள்ளன.உலகக்கிண்ண கால்பந்தாட்ட போட்டியில் ரசிகர்கள் எதிர்பார்த்த ரொனால்டோவின் போர்ச்சுக்கல், மெஸ்ஸியின் அர்ஜெண்டினா ஆகிய அணிகள் வெளியேறியுள்ளதால், தற்போது உலகக்கிண்ண கால்பந்து ரசிகர்களின் கவனம் எல்லாம் நெய்மரின் பிரேசில் அணி பக்கம் திரும்பியுள்ளது.